تعليقات المدونة

اعذرني فانا انثى ؟!
هرد عليها بكلمتين الاولى
متقولي يا بنتي عاوزه ايه
والثانيه
هي فين الانثى دي
.......................
ولست من الرجال اللذين يرفعون شعار اعذرني فانا رجل
فاذا كنت انا رجل فلا يوجد هناك مجال للاعذار

ده هروب ؟؟

انا عاذرك لانك انثى

دي إيه الرجاله المرفهه دي (كارفور وسي دي ...... ) ما علينا

أنا مش مع (أعذرني فأنا أنثى) .. لإن بكل بساطة المرأة مخلوق ضعيف أوي أدام اللي بتحبه بس

لكن الكبرياء والكرامة ده مع اي حد تاني إلا مع الشخص اللي أختاره قلبها .. وبالتالي الراجل بيحب ضعفها أوي أدامه

وبعضهم (ما بيصدق ) .. وبتظهر كلمته اعذريني أصل أنا راجل .. ولو بيّنت انها قويه هيقول اصلها مش بتحبني وقلبها حجر !!

واعذريني لإني راجل من حقي اتعصب واتنرفز واعند معاكِ ..

واعذريني لإني راجل ممكن ابص على واحده أو اعجب بواحده وممكن اتجوز عليكِ واتغيّر من ناحيتك ..

واعذريني لإني راجل مش بهتم أوي زيك بالرومانسية طول الوقت ..

واعذريني لإني راجل مش من حقك تغيري عليا اوي لإني بحب اكون حر ومش عايز خانقة ..

واعذريني لإني راجل لو تجاهلتك وخلّيتك جزء من حياتي ..

وردها عليه : أعذرني لإن الفرق بينا إنك كل حياتي وأنا جزء من حياتك !! (وده سبب الأعذار بين الطرفين!)

بجد ياكبير انت فنااااااااااااااااااااان
والله عندك حق
بس دى بتختلف من واحد للتانى
يعنى فى واحد يسكت ويدادى وواحد لا
وانت بجد جبت المفيد

حمدالله على السلامة

الخفافيش دى حاجه غبيه على فكره
وبعدين مش بتخرج تقريبا غير بليل لانها مش بتشوف اصلا
المهم متخافشى يا ابن ادم من خفاش ولا من شبح ان جالك فى يوم خفاش قتيل قوله مدافعشى على نفسه ليه يوم ماتعمى

طيب يا عسل
لو دخل عندي واحد تاني
هقتله
و هوريهولك
عشان مبقاش حارمك من حاجة

مصادفة رائعة جدا يا كوكى
انا فى حياتى ما شفتش خفاش ولو شفته ماظنش ننا هخاف منه
بس كدة ابدا ابحث هما بيدخلوا منين

اهلا يا شرشر
منور

و بعدين انت بتتريق عليا

قصدك ايه؟ بتحول مصاص دماء مثلا؟ و اللاه ببقى Zombie?

ربنا يهديك يا ابن خالتى
وكويس انك بتحاول تغير من نفسك
وانا وهقولك اى انتقاض ولا عيب ولا اى بتنجان
كفايه اللى انت كاتبه
وهو صحيح انت مش بتتغير
انت بتتحول
فاكيد مميزاتك وعيوبك مع اصحابك غير مميزاتك وعيوبك مع معانا

انت عارفني يا صاحبي , مباخدتش حاجة مش بتاعتي

يا ريت كل اصحابي يعرفوا هما قد ايه غاليين عليا يا فهمي
و يفهموا بقى ان ميهمنيش اي حاجة غير مصلحتهم
و من البداية و انا شايل هم النهاية و انت عارف
يمكن رتبتلها اكتر ما رتبت للحياة نفسها


العفو يا بيبي
يا رب كلنا نفضل اصحاب زي ما احنا شايلين هم بعض
و واخدين بالنا من بعض
بنحب بعض و بنخاف على بعض مش من بعض
منور يا my dearest person
انت عارف
اني لو فقدت ثقتي في الناس كلها , بفضل دايما واثق فيك انت

تغييري ده مأثرش على تعاملاتي مع الناس اللي اعرفها
و فضلت معاهم زي مانا
هو أثر على اللي معرفهمش
انا مع اصحابي زي مانا
دليل ان انا و انتي مثلا متخانقناش
انا و فهمي مثلا متخانقناش
انا و اي حد من الجروب برده محلصش بينا اي مشاكل

* في بعض الشخصيات اعرفها من الاول بس معلم عليها من زمان
دي اللي اتأثرت .. دي اللي انا كنت عدواني في بعض الاحيان معاها
لان اساميهم مكتوبة في حياتي بالقلم الرصاص و سهل امسحهم في اي وقت

انا مكنتش عارف اني بتغيير يا اماني
و زي ما قلت انا متغيرتش .. انا اتحولت!
في فرق جامد بين اللفظين

الظاهر ان انا كده اللي ربطت المواضيع ببعضها
اسف يا مانجة

دة من وجه نظرك انت بس يا مصطفى واكيد دة مش صح
وماتعتبرش دة ربط للمواضيع لكن لما انت تحس انك متغير وفى حاجة جواك غلط احنا كاصحابك بنتأثر بدة بشكل كبير
وخصوصا لما احنا نحس بيها فى مراحلها الأولى وانت تنكرها وتحاول تثبت ظاهريا انك لسة زى ما انت بس دة مش حقيقى
لما تفضل تتغير تتغير ورغم احساسنا بالتغيير اللى جواك انت بتقول لا انا زى ما انا ماتغيرت
نحتار احنا صح ولا غلطانين
فهمينك فعلا ولا احساسنا بالتغيير دة غلط


انت متغير من زمان ( عشان كدة قلت لك جه متأخر ) ماكنش ربط للمواضيع
ولا متأخر خمس ايام بس
متأخر من اول يوم بدأت تغيير فيه

يمكن جه متاخر
بس متاخر قد ايه؟ اسبوع؟
اقل من اسبوع
5 ايام بالظبط الفرق بينه و بين التوبيك اللي قبله
انا اصلا اتافجأت بردود الافعال عن التوبيك الاولاني
مع ان الكلام واضح جدا
محلصش اني في التوبيك اللي قبل كده لومت حد في حاجة
و لا جيبت سيرة حد اصلا
يبقى ازاي بتقولوا اني كنت بلوم شخصية معينة على اني اتغيرت؟
انا الفاظي ( مش جملي ) كانت واضحة جدا
و اتفاجأت بجد من اللي حصل

و للمرة الاخيرة
اللي بيحصل ده خاص بيا انا لوحدي
و ملوش اي دخل باي حد تاني

اقولك حاجة وماتزعلش منى يا مصطفى ولا تفهمنى غلط
مش انت بتقول كل حاجة ليها وقت ماعرفش لية حاسه ان التوبك دة اتأخر اوى
جه بعد حاجات كتير محتاجه ترميم جوانا وترتيب لحوارات كتير حصلت ولخبطت شككتنى فى كل حاجة وكل كلمة من اى حد حواليا




اقولك حاجة ماتاخدش ع كلامى دلوقت يمكن انا متوترة وغلطانة

جميل جدا جدا يا مصطفى الموضوع ده
ويمكن من احلى حاجه فيه انو موضوع يخصك بس من غير متاخد بالك يخص ناس كتير
ناس كتير مبتقدرش تواجه نفسها ولا تحرم نفسها ولو حتى من لقب انا كويس او انا الافضل
مش سهل جدا انك تبقى المدير وبعدين لحاجه جواك شايف انك متستاهلش اللقب وترجع موظف
مع ان محدش كشفك ولا ماسك عليك حاجه
دي في حد ذاتها قوه في الشخصيه وبدل ان الخير اللي جواك لسه اقوى من الشر ولو بنسبه بسيطه بس قدرت تفرق لصالح الخير والصح
..............................................
في ناس مشفتش مصطفى ده قبل ما الحياه تدوس علينا مع اني معرفوش من الطفوله ولا الثانوي
بس في الفتره بتاعه الجامعه اللي الانسان بيتكون فيها شخصيتو انا عرفت الانسان ده
وشفت معدنو
من قبل
ميحصل احداث في حياتنا تلون وتحط طبقات وتخفي اللي جوا
.................................
نا بحبكم قوي قوي قوي قوي
و مستعد اني اضحي بحياتي و كل حاجة عشانكم
و انتوا اهم ناس عندي في الدنيا ..
كفاية بس احساسنا بالامان و احنا مع بعض
و اننا كلنا اخوات .. و مفيش حد فينا بيزعل التاني و دايما بنخاف على مصلحة بعض

من غير متقول كنت خايف على موضوع حصل ونهايه مش كويسه تتكرر تاني
بس اعتقد انك بالكلام ده بتوجه رساله لكل اصحابك وبتقولهم قد ايه انتو غاليين عندي ومتخافوش مني
وحسو بالامان
يا ريت كل اصحابنا يقرو الكلام ده ويعرفو زي ما رهنت مع نفسي كتير
ان الانسان اللي انا اخترتو صديق ليا بكل معاني الكلمه لا يوجد على وجه الارض احق منو بيها
شكرا يا شومان ع التوبيك الرائع ده
وشكرا على الثقه اللي جددتهالي انا فيك
ربنا ما يحرمني منك ولا يحرمك مني ولا يحرمنا من بعض
واكيد اكيد اكيد
كل انسان يخصو مصطفى هيعرف ان الكلام ده موجه ليه
وانا من الناس دي
شكرا يا صاحبي

يعني بقى عمال تقولي كويس انك وضحت عشان محدش يربط مواضيع
و تيجي في اخر الرد تقول بس انا حاسس اني في حاجة كده؟
هههههههههههههه
مووووووووووووة
انت واخد اجازة من بدري و مأثرة عليك

اجمل حاجه يادرش ان انت وضحت ان الموضوع ده مش موجهه لحد عشان محدش يربط المواضيع
لان انت لو مكنتش قلت كده فعلا كان هيحصل ربط بين موضوعات ثانيه
بالنسبه ياجماعه انتو دلوقتى بتمتحنوا والمفروض مركزين بس مش فاهم فى ايه حصل خلاكم فجاه كده دخلتوا فى مواضيع وحوارات معتقدشى ان انتو ممكن تتدخلوا فيها حاليا
عموما القرار اللى انت تشوفه هو اكيد صح والجميل فيك انك عارف ايه مضايقك وعشان كده هتقدر تصلحه
ربنا يوفقكم يارب كلكم فى امتحانتكم وفى حياتكم
واتمنى كل حاجه حلوه ترجع تانى
ولو انى مش عارف فى ايه بس حاسس انى فى حاجه كده
يالا ماعلينا

انا كنت كاتب الموضوع ده اول امبارح
على اساس اني هنزله امبارح
بس الموقع كان واقع
لان موضوع تاني كتبته امبارح
بس هنزله الاسبوع الجاي ان لينا عمر
عشان للمرة التانية ميحصلش ربط غلط للمواضيع
و بقول لاصحابي
انا بحبكم قوي قوي قوي قوي
و مستعد اني اضحي بحياتي و كل حاجة عشانكم
و انتوا اهم ناس عندي في الدنيا ..
كفاية بس احساسنا بالامان و احنا مع بعض
و اننا كلنا اخوات .. و مفيش حد فينا بيزعل التاني و دايما بنخاف على مصلحة بعض